Policia serbe në Beograd ka evakuuar anëtarët e parlamentit dje, pasi një person jashtë ndërtesës ka kërcënuar se do të hedhë veten në erë.
Mediat lokale kanë raportuar se personi ka qenë i armatosur me bombë dhe armë zjarri pistoletë, dhe kërcënonte se do hidhej në erë pasditen e djeshme. Ai u rrethua nga zyrtarë të sigurisë dhe pas disa orësh negociatash u arrit të ndalohej.
Personi më pas është dërguar në spital për vlerësim të gjendjes mendore. Raporte të pakonfirmuara kanë thënë se burri ka qenë ish-ushtar serb dhe ka tentuar të fitojë vëmendje për një rast ligjor në të cilin është i përfshirë.
