INDONEZI – Ka arritur në 141 numri i viktimave nga rrëzimi i avionit ushtarak indonezian në qendrën e kryeqytetit Medan në rajonin Sumatra e Veriut.
Avioni ushtarak i tipit Herkul C-130 u rrëzua mbi një hotel në qendër të qytetit 2 minuta pas ngritjes nga baza e forcave ajrore Soeëondo në Medan.
Avioni kishte në bord 101 pasagjerë dhe 12 persona të ekuipazhit, ndërsa nga mediat ndërkombëtare thuhet se nga punimet për nxjerrje e trupave nga rrënojat, numri i viktimave ka arritur në 141.
Shefi i Personelit të Forcave ajrore të Indonezisë Agus Supriatna, në një deklaratë theksoi se piloti në kontaktin e fundit me kullën menjëherë pasi ishte ngritur kishte transmetuar se donte të kthehej.
Autoritetet kanë theksuar se avioni i modelit Hercules C-130 i vit-prodhimit 1964 kishte 4 motorë dhe se nuk kishte asnjë problem teknik.
Ndërsa Presidenti Indonezian, Joko Widodo në një deklaratë tha se “duhet të shkojmë drejt rinovimit të avionëve ushtarakë dhe të sistemeve mbrojtëse”.