Hapet xhamia e parë në Athinë

254

Xhamia e parë e Athinës i ka hapur zyrtarisht zyrtarisht dyert e saj këtë të premte pas vonesave të shumta, megjithëse nuk pritet të fillojë të veprojë menjëherë, pasi komiteti i tij administrativ ende nuk është caktuar.

Ministri i Arsimit dhe Çështjeve Fetare, Kostas Gavroglou, mori pjesë në hapjen në lagjen Votanikos në mesditë, shkruan “Ekathimerini”.

Xhamia, e cila nuk do të ketë minare ose altoparlantë, do të strehojë 300 burra dhe 50 gra nga rreth 250,000 muslimanë të kryeqytetit.

Ndërtimi i xhamisë, i cili u njoftua për dekada të tëra më parë, është shtyrë nga vonesat dhe protestat e grupeve të ekstremit të djathtë dhe ato fetare.

Anëtarët grekë të parlamentit në fund votuan në favor të një mase për të përshpejtuar procesin e ndërtimit në gusht 2016.

Në muajt e fundit, vandalët kanë shkruajtur slogane anti-myslimane dhe mesazhe urrejtëse në muret e ndërtesës dhe bashkëngjitën një kryq prej druri në një derë metalike.

Muslimanët e Athinës deri tani kanë qenë të detyruar të përdorin rreth 70 dhoma lutjesh të paautorizuara.