Një ngjarje tragjike ka ndodhur ditën e sotme në Zakynthos të Greqisë, ku është ekzekutuar me armē zjarri një biznesmene.
Mediet fqinje raportojnë se, ka mbetur viktimë biznesmenia Christina Kloutsinioti, e cila është qëlluar me armē nga dy persona të veshur si policë.
Ndërkohë, i plagosur ka mbetur dhe bashkëshorti i saj, i cili ndodhet në spital jashtë rrezikut për jetën.
Ngjarja ka ndodhur shumë afër shtëpisë së çiftit në Zakynthos, ku ata po udhëtonin me motor.
Afër tyre kanë kaluar dhe autorët, të cilët kanë qenë në motor dhe të veshur si policë. Autoritetet greke dyshojnë se objektivi ishte bashkëshorti i saj.
Policia po vijon ende hetimet për të bërë zbardhjen e plotë të ngjarjes ndërkohë që forcat e rendit janë në kërkim të autorëve.
