Shaqir (Hektor) Nikolli, është arrestuar pak ditë më parë nga autoritetet braziliane në San Paulo.
Mediat braziliane, shkruajnë se 45-vjeçar akuzohet për trafik ndërkombëtar droge. Shqiptari është arrestuar të mërkurën e javës së kaluar (20 Tetor)
Mësohet se Policia Federale, nëpërmjet Përfaqësisë Rajonale të Interpolit në Sao Paulo, me bashkëpunimin e DIVECAR/DEIC të 2-të të Policisë Civile të São Paulo, zbuluan dhe arrestuan të mërkurën 45-vjeçarin shqiptar, i cili kërkohej duke qenë se ishte pjesor i një organizate kriminale për trafikun ndërkombëtar të drogës.
Kush është Shaqir Nikolli?
Shaqir Nikolli është emër i njohur për drejtësinë shqiptare, pasi më 1996 akuzohet për dy vrasje.
Personat mbetën të vrarë gjatë kohës që 45-vjeçari po tentonte të grabiste një autobus. Të vrarë mbetën shtetasit Rasim Elezi dhe Asllan Meçe. Ai u arrestua në Vjenë në vitin 2011 me qëllim ekstradimin në vendin tonë, por që mesa duket ka arritur që të dalë nga burgu.
Gjykata e Shkallës së Parë në Dibër kishte dhënë masën e sigurisë arrest me burg për Hektor Nikollin në 27.10.2009, për veprën penale të vjedhjes me pasojë vdekjen e personave të tjerë.
