Dy shqiptarë të krye të bandës që kultivonte marijuanë në Spanjë, çmontohet grupi

58
Sigal

Policia Kombëtare e Paternës ka arrestuar nëntë anëtarë të një grupi kriminal që kultivonin kanabis në shkallë të gjerë në shtëpitë që merrnin me qira në provincën e Valencias, Spanjë.

Operacioni antidrogë ka rezultuar me sekuestrimin e afro 4000 bimëve marijuanë dhe një numri të madh pajisjesh që trafikantët përdornin për të përshpejtuar kultivimin.

Pas një hetimi nga Njësia për Drogën dhe Krimin e Organizuar (Udyco) agjentët konstatuan tetë shtëpi në l’Eliana, San Antonio de Benagéber dhe Paterna.

Grupi kriminal përbëhej nga individë me kombësi shqiptare dhe serbe. Sipas burimeve ligjore, të arrestuarit akuzohen për krime kundër shëndetit publik, anëtarësim në grup kriminal dhe mashtrim me energjinë elektrike.

Dy shqiptarë ishin në krye të bandës.

Shtatë nga nëntë personat e arrestuar në operacion u lanë në burg të shtunën e kaluar.

Policia Kombëtare ka kryer kontrollet të mërkurën dhe të enjten me autorizimin e Gjykatës së Shkallës së Parë dhe udhëzimin numër 7 të Paternës. Secila prej serave të kanabisit kishte një numër të madh pajisjesh për të nxitur kultivimin.

Infrastruktura e çdo plantacioni për të ruajtur kushtet e duhura mjedisore kërkonte një shpenzim prej afro 20,000 euro.

Ata kryen gjithashtu disa lidhje të paligjshme të dritave për të kursyer energjinë elektrike në shtëpitë që kishin më shumë pajisje të lidhura.

Sipas raportimeve, policia sekuestroi rreth 4000 bimë marijuanë në faza të ndryshme të rritjes, tharëse sythash, 25 mijë euro para në dorë, llamba, ndriçues, transformatorë, ventilatorë, një makinë për numërimin e faturave dhe dokumentacione të ndryshme si pasaporta dhe karta krediti.

Mes shtatë trafikantëve të burgosur janë edhe dy krerët e bandës. Policia vijon hetimet për identifikimin e anëtarëve të tjerë të mundshëm të bandës së çmontuar.