Dy shqiptarë 34 dhe 25 vjeç, me banim në Shqipëri, janë arrestuar në Chiasso pasi iu gjetën 11 kilogramë heroinë, ka bërë të ditur policia e kantonit zviceran dhe ajo lokale të enjten, shkruan “Tagblatt”.
Të dyshuarit ishin në një veturë me targa nga Shqipëria dhe po përpiqeshin të hynin në Zvicër nga Italia.
Por vetura e tyre u vendos të kontrollohej nga një grup specialistësh, të cilët zbuluan substancat e paligjshme. Dy shqiptarët akuzohen për shkelje të rëndë të Ligjit Federal për Drogat Narkotike.
