Britania e Madhe drejt krizës për mungesë të patateve të skuqura, arsyeja befasuese

54
Sigal

Britania është përballë një krize për mungesë të patateve, kjo për shkak thatësirës dhe motit ekstrem të nxehtë.

Alarmi është ngritur nga fermerët në vend. Patatet, qepët, karotat dhe kulturat e maruleve po vuajnë të gjitha nga periudha e zgjatur e motit të thatë që çon në rendimente më të vogla të prodhimit të këtyre produkteve.

Kjo do të thotë që në muajt e ardhshëm, Britania do të vuajë nga mungesa e patateve të skuqura.

Ato kultura që janë tashmë në tokë janë prekur nga thatësira e cila është përkeqësuar dhe nga vendimet e autoriteteve që kanë kufizuar dhe ujitjen e tokave të mbjella.
Por fermerët po mbjellin gjithashtu më pak për korrjen e ardhshme të perimeve dimërore, pjesërisht për shkak të motit, por edhe për shkak se kostot në rritje të prodhimit, duke përfshirë faturat e energjisë, transportin dhe paketimin, po e bëjnë më pak fitimprurëse si biznes.

Disa pjesë të Britanisë së Madhe janë më keq se të tjerat. Prodhimi i Skocisë ka të ngjarë të jetë më pak i prekur, sepse, thjesht, bie më shumë shi, por jugu dhe lindja e vendit kanë parë muaj me reshje më të ulëta se mesatarja, në disa zona nuk ka pasur asnjë mm reshje të konsiderueshme që nga një fundjavë në prill.