Zvicra neutrale ka angazhuar Ushtrinë e saj për të ndihmuar në sfidën e vendit kundër koronavirusit.
Mijëra ushtarë janë dërguar për të mbështetur punonjësit e shëndetit në luftën kundër koronavirusit, por mobilizimi nuk ka qenë pa probleme.
Dhe ndërsa rreth 80-90% e atyre që morën urdhrat e tyre të marshimit më 16 mars u përgjigjën në thirrjen e detyrës, më shumë se 200 mund të përballen me drejtësinë ushtarake për dështimin për t’u paraqitur në njësitë e tyre, sipas Brigadierit të Ushtrisë, Raymond Droz.
Në total, rreth 5,000 ushtarë, përfshirë anëtarët e batalioneve mjekësore, po mbështesin personelin civil. Sipas “Reuters”, ata kanë qenë veçanërisht aktivë në Ticino, kantoni që flet italisht në kufirin me Italinë, ku ndodhen shumë prej 22,000 zviceranëve të infektuar dhe 641 të vdekur.
Zvicra po mobilizon deri në 8,000 anëtarë të Ushtrisë, jo vetëm për shërbimin mjekësor, por për të ndihmuar në mbylljen e kufijve të saj, të ndihmojë me logjistikë dhe të sigurojë mbështetje të sigurisë gjatë krizës.
Aktualisht, 728 ushtarakë janë në karantinë, tha Droz, me 49 në izolim. Një total prej 172 ushtarësh janë testuar pozitive, shumë prej tyre në një shkollë për rekrutë në Ticino.
Vetëm një ushtar zviceran u testua pozitiv gjatë detyrës aktive të koronavirusit. Disa kanë ngritur shqetësime se ushtarët nuk kanë pasur shumë për të bërë dhe e kanë kaluar kohën e tyre në dhomat e pritjes në spital, sesa të ndihmojnë në mënyrë aktive.
Duke folur në një konferencë shtypi në Bern, Droz tha që ushtria planifikonte të adresonte këtë, duke mbajtur vetëm ata ushtarë që janë të nevojshëm për detyrë dhe duke dërguar të tjerët në shtëpi “për pushimin dhe rikuperimin e nevojshëm”.
