E ëma e Indrit Ndojit, 34-vjeçarit, i cili u gjet pa shenja jetë në një kanal mëngjesin e sotëm në Fushë-Krujë, ka zbuluar bisedën e fundit me të birin.
Raportohet se në dëshminë e saj, ajo deklaron se i biri nuk kishte konflikt me askënd dhe në telefonatën e fundit që pati me të nuk shprehte ndonjë shqetësim.
E ëma ka deklaruar gjithashtu se e priste të birin në shtëpi pasi i kishte thënë që t’i përgatiste për të ngrënë pasi nuk do të vonohej.
Policia dhe grupi hetimor pritet të marrë tabulatet e telefonit të 34-vjeçarit për të zbuluar personat e fundit me të cilët ai ka komunikuar për të bërë të mundur zbardhjen e ngjarjes dhe identifikimin e autorëve.
