Paniku që është përhapur në të gjithë botën ka prekur edhe vendin tonë, pavarësisht se deri më tani nuk është konfirmuar asnjë person si i prekur nga Koronavirusi.
Instituti i Shëndetit Publik përmes një postimi në faqen zyrtare të Facebook ka dhënë ditën e sotme disa këshilla dhe rekomandime sesi të mbrohemi nga koronavirusi i ri.
Koronavirusi në Kinë u ka marrë jetën 362 personave dhe ka prekur mbi 17 mijë të tjerë, edhe jashtë Kinës.
Organizata Botërore e Shëndetit ka shpallur gjendjen e emergjencës botërore për shkak të shpejtësisë me të cilën po përhapet Koronavirusi, por nga ana tjetër edhe shumë vende të tjera kanë mbyllur kufijtë me Kinën në mënyrë që të shmangin përhapjen e këtij virusi vdekjeprurës.
Vende si Italia, Gjermania, Greqia, Rusia, Britania e Madhe dhe Amerika kanë anuluar çdo fluturim drejt Kinës dhe anasjelltas në mënyrë që hapësirat për përçimin e Koronavirusit të jenë më të vogla.
Ndërkohë, po punohet për krijimin e vaksinës kundër virusit, por sipas shkencëtarëve kjo vaksinë mund të jetë gati pas 8 ose 12 muajsh.
Koronavirusi në Whan u përhap nga një treg i hapur, që punonte ilegalisht në shitjen e ushqimeve të gjitarëve që mendohet se përhapën Koronavirusin, si gjarpërinjtë, lakuriqi i natës dhe minjtë.
