Shpërthimi i një transformatori ka lënë pa energji elektrike Dhërmiun dhe një pjesë të Himarës, mbërmjen e djeshme dhe mëngjesin e sotëm.
Shkak për shpërthimin dyshohet të jenë bërë erërat e forta dhe moti i keq, që ka përfshirë zonën ditën e diel. Sipas OSHEE, Dhërmiu dhe 12 fshatra turistikë të tjerë nuk kanë energji elektrike.
Ka nisur puna për zvëndësimin e transformatorit, por ndërkohë gjatë natës pushuesit nuk kanë patur drita.
