Ministri i Brendshëm, Bledi Çuçi ka treguar se qeveria shqiptare ka marrë vendimin për reduktimin e zyrave civile.
Ministri tha se do të jenë 150 zyra të hapur në të gjithë Shqipërinë, pasi një pjesë e madhe e shërbimeve do të kalojnë online.
Bledi Çuçi: Sot miratuam reduktimin e zyrave të gjendjes civile, nga 390 do të ketë vetëm 150 zyra të tilla si pasojë e revolucionit digital që po bëjmë për dhënien e shërbimeve publike.
Të gjitha shërbimet do jenë prej 1 majit online.
Do të ketë 150 sportele për të marrë vetëm ato shërbime nga gjendja civile për të cilat duhet të jetë i pranishëm detyrimisht qytetari, ndërsa të tjerat online. Do të shkëputet kontakti i qytetarit me sportelet fizike, do të vetëm online.
Institucionet e administratës publike janë të detyruara t’i sigurojnë çdo dokument që duhet nga shërbimi i gjendjes civile për një shërbim që i jep një qytetari.
Nëse qytetar merr një shërbim nga Ministria e Arsimit dhe për këtë do i duhet një certifikatë si dokument plotësues, s’do jetë më qytetari që e siguron por vetë institucioni i administraës publike.
Prej datës 1 maj do të jetë një sasi shumë e madhe shërbimesh që do të ofrohen vetëm online, vetëm nga Ministria e Brendshme janë rreth 90 shërbime.
