Rikthehen nga Franca në Shqipëri 50 shtetas shqiptarë

248
Janë riatdhesuar ditën e sotme 50 shtetas shqiptarë që kanë shkelur rregullat e qëndrimit në Zonën Shengen.
Rreth orës 15.00 në Rinas kanë mbërritur shtetasit e kthyer nga Franca, përmes një fluturimi të përbashkët me charter organizuar nga autoritetet Franceze dhe agjensia Frontex.
Të gjithë shtetasit e kthyer sot , janë penalizuar për 5 vjet mos të udhëtojnë drejt vendeve të hapsirës Shengen.
Operacioni i riatdhesimit u zhvillua nga Policia e Shtetit Shqiptar, përkatësisht strukturat e Policisë Kufitare dhe Migracionit, në bashkëpunim me agjensitë ligjzbatuese Franceze dhe FRONTEX.
Në bordin e avionit ishte dhe një përfaqësues i Avokatit të Popullit me qëllim monitorimin e respektimit të të drejtave të shtetasve që u riatdhesuan si dhe në përbërje të eskortës kishte dhe një mjek e një psikolog.