Protestuesit vijojnë të godasin me gurë policët që kanë rrethuar Ministrinë e Brendshme, ndërsa ajo që vihet re është fakti se në vijën e parë të “sulmit” janë persona shumë të rinj e disa prej tyre edhe fëmijë.
Mes thirrjeve “Rama ik” dhe ofendimeve, protestuesit hedhin sende të forta drejt policisë, ndërsa kjo e fundit i është përgjigjur me gaz lotsjellës.
Protestuesit shkulën po ashtu edhe stolat e vendosur në trotuar, ndërsa kanë thyer edhe xhamat e godinës së Bashkisë.
