Burrë e grua janë plagosur pasi i ka shpërthyer bombola e gazit.
Ngjarja ka ndodhur mesditën e sotme në ambientet e jashtme të një banesë në rrugën “Shefqet Kuka” në Tiranë.
Dy të plagosurit janë dërguar në spital për ndihmë mjekësore, ndërsa po punohet për sqarimin e rrethanave të ngjarjes.
Njoftimi i policisë:
Më datë 24.11.2020, rreth orës 12:11, në rrugën “Shefqet Kuka”, në ambientet e jashtme të banesës së shtetasit M.G., ka plasur një bombul gazi, dhe për pasojë janë dëmtuar lehtë shtetasi M.G dhe bashkëshortja e tij shtetasja D.G, të cilët u dërguan në spital, për ndihmë mjekësore.
Grupi hetimor dhe shërbimet e Policisë ndodhen në vendngjarje dhe vijojnë për sqarimin e rrethanave të ngjarjes.