Ambasada Amerikane ka reaguar për protestën e opozitës dhe konfrontimin me forcat e rendit, ndaj të cilëve u hodhën mjete piroteknike. Ambasada e SHBA thekson se sulmi ndaj policisë është jo demokratik dhe i papranueshëm.
“Ambasada e SHBA dënon dhunën që ndodhi gjatë protestës sonte. Grumbullimi paqësor dhe e drejta për të shprehur pakënaqësitë ndaj qeverisë janë shtylla të demokracive të shëndosha, por janë të drejta që duhen ushtruar paqësisht.
Përdorimi i mjeteve piroteknike, sidomos kur vënë në shënjestër policinë, nuk është akt paqësor, është i papranueshëm dhe jodemokratik.Iu bëjmë thirrje të gjithë organizatorëve të protestës të ndalojnë aktet e dhunshme dhe të angazhohen në dialog konstruktiv.
