Kryeministri Edi Rama ka bërë publik lajmin që në e-Albania ofrohet edhe shërbimi i marrjes së kartës së vaksinimit të fëmijëve deri në 7-vjeç. Këtë informacion Rama e ndau me ndjekësit përmes rrjeteve sociale ku shkruan se kjo është një lehtësi për prindërit, në prag të vitit të ri shkollor. Ai ka shtuar se të njëjtat formularë mund të aksesohen në mënyrë elektronike nga çerdhja, kopshti ose shkolla ku fëmija është i regjistruar.
Postimi i Ramës:
Një tjetër shërbim i rëndësishëm për qytetarët tashmë i aksesueshëm përmes e-Albania. Në prag të fillimit të vitit shkollor, të gjithë prindërit nuk janë më të detyruar të paraqiten në Qendrën Shëndetësore për të marrë kartën e vaksinimit për fëmijët deri në 7 vjeç. Të njëjtat formularë mund të aksesohen në mënyrë elektronike nga çerdhja, kopshti ose shkolla ku fëmija është i regjistruar.
