Presidenti Ilir Meta ndodhet sot në Pilur të Himarës, për të marrë pjesë në ceremoninë e vlerësimit të patriotëve të zonës dhe figurave të njohura të isopolifonisë.
Gjatë mbrëmjes, kreu i shtetit ka vizituar kishën e Shën Kollit në Pilur dhe ka uruar banorët për festën e Shën Mërisë. Presidentit Meta shprehet se kremtimi i kësaj feste është një moment vlerësimit për patriotizmin e priftërinjve pilurjotë të cilët vazhdimisht i kanë kryer ritet fetare në gjuhën e bukur shqipe.
“Nga Kisha e Shën Kollit (Nikollës) në Pilur, ju uroj banorëve të zonës, Himarës dhe të gjithë besimtarëve shqiptarë ortodoksë festën e bekuar të Shën Marisë.
Për shumë mot gëzuar!
Kremtimi i saj, si dhe i gjithë festave fetare na kujtojnë patriotizmin e priftërinjve pilurjotë të cilët vazhdimisht i kanë kryer ritet fetare në gjuhën e bukur shqipe”,- shkruan kreu i shtetit në mesazhin e tij.
