Ditën e djeshme rreth orës 23:05, në Tiranë janë regjistruar të shtëna me armë.
31-vjeçari L.H., është plagosur me armë zjarri në këmbë, nga një person ende i paidentifikuar.
I plagosuri ndodhet në spital në kujdesin e mjekëve, ndërsa policia njofton se grupi hetimor po punon për zbardhjen e ngjarjes dhe kapjen e autorit.
Njoftimi i policisë:
Me datë 02.11.2020, rreth orës 23:05, është njoftuar Salla Operative se në spital është paraqitur shtetasi L.H., 31 vjeç, i dëmtuar në këmbë, jashtë rrezikut për jetën.
31-vjeçari ka kallëzuar se në rrugën “Don Bosko”, është plagosur me armë zjarri në këmbë nga një person ende i paidentifikuar.
Grupi hetimor vijon punën për sekuestrimin e çdo prove të mundshme që do çojë në identifikimin dhe kapjen e autorit si dhe sqarimin e plotë të rrethanave të ngjarjes.
