Një aksident i rëndë ka ndodhur ditën e sotme në Durrës, ku si pasojë ka humbur jetën 60-vjeçarja.
Policia bën me dije se në aksident janë përfshirë dy makina, dhe për fat të keq ka humbur jetën pasagjerja në njërin mjet, e identifikuar si Sh. Ç, 60 vjeçe.
“Më datë 28.04.2021, rreth orës 13:10, në autostradën Tiranë-Durrës, janë përfshirë në aksident rrugor 2 mjete me drejtues shtetasit M. K. Dhe Sh. P. Për pasojë ka ndërruar jetë pasagjerja në njërin mjet, shtetasja Sh. Ç., 60 vjeçe.”– thuhet në njoftimin e policisë.
Të dy drejtuesit e mjeteve janë shoqëruar në ambientet e Policisë, për veprime të mëtejshme.
Grupi hetimor ndodhet në vendngjarje dhe po punon për zbardhjen e rrethanave të aksidentit.
