Në orët e para të mëngjesit të sotëm është përfshirë nga flakët makina e ish-oficerit të Policisë në Elbasan, Edvin Gjylit. Mësohet se ngjarja ka ndodhur në lagjen 28 Nëntori dhe dyshohet për zjarrvënie të qëllimshme.
Dyshohet se disa persona me precedentë penal i kanë vënë flakën makinës së ish-oficerit për shkak të detyrës që ai ka pasur më herët. Nga ngjarja nuk ka persona të lënduar, por vetëm dëme materiale. Policia ndodhet në vendin e ngjarjes dhe po heton për zbardhjen e plotë të rrethanave, si dhe identifikimin e autorit.