Policia ka nisur tentativat për të shpërndajë qytetarët në sheshin Skënderbej.
Ata ishin mbledhur fillimisht aty për të vijuar më pas drejt ministrisë së brendshme dhe Kryeministrisë.
“Edi Rama na i ka sjellë në majë të hundës”, tha një prej qytetareve për mediat aty.
“Ja ku po na terrorizojnë sërish, shpërndahuni, shpërndahuni”, shprehet një prej vajzave protestuese.
Ndërsa aktivisti Genc Sejko u shpreh se, protesta është e drejtë qytetare.
Sipas informacioneve, rreth 1500 policë janë angazhuar për mbarëvajtjen e protestës së sotme që shënon ditën e pestë të saj.
