Institutit i Shëndetit Publik çdo ditë ka bërë thirrje për vaksinimin e popullatës kundër gripit të stinës.
Në qyetetin e Elbasanit vaksina e gripit mungon prej disa javësh.
Kontigjenti i parë prej 3600 vaksinash parashikoi vaksinimin e personelit shëndetësor prej 700 personash dhe një pjesë të kategorive në rrezik, por ndërkohë nevojat janë shumë herë më të mëdha.
Mjekët theksojnë domosdoshmërinë e vaksinës, por është vënë re edhe një neglizhencë nga ana e qytetarëve.
Ndërkohë që pritet kontigjenti i dytë i vaksinës kundër gripit, duket se vetë qytetarët janë skeptikë për efektet e saj.
Qytetarët kanë mungesë besimi pasi thonë se vit pas viti virusi ndryshon, por mjekët sqarojnë se vaksina sërish ka efekt.
Kjo vaksinë është e rekomandueshme të kryhet gjatë muajve të parë të vjeshtës, për të bërë të mundur krijimin e rezistencës tek njeriu. Ndërsa në muajt e pikut janar shkurt, efektet e vaksinën nuk janë ato që duhen.
Një vit më parë Shqipëria u përball me një situatë të rënduar të gripit, ku fatkeqësisht pati humbje jetësh.