Mot i kthellët por i ftohtë, si do jenë temperaturat sot

25
Sigal

Shqipëria

Moti kryesisht i kthjellët por i ftohtë do të jetë dominant në të gjithë territorin e vendit tonë si pasojë e prezencës së masave ajrore siberiane. Orët e pasdites dhe në vijim do të sjellin vranësira të herë pas-hershme në pjesën më të madhe të territorit ku më të dukshme vranësirat do të paraqiten në zonat malore verilindore – Juglindore.

Parashikohet që gjatë natës vranësirat të pësojnë zhvillim duke gjeneruar reshje të izoluara dëbore në skajin Verior të Shqipërisë. Temperaturat e ajrit do të bien ndjeshëm në të dy vlerat ekstremale ditore duke u luhatur nga -3°C më e ulëta deri në 12°C më e larta në rang vendi.

Era do të fryjë mesatarisht me shpejtësinë 45 km/h nga drejtimi permanent verilindor duke sjellë në brigjet detare dallgëzim 2 – 3 ballë.

Kosova

Republika e Kosovës do të mbetet nën ndikimin e masave ajrore të ftohta polare, por të qëndrueshme duke bërë që përgjatë gjithë 24 rrëshit të dominohet nga alternime kthjellimesh dhe vranësirash të shpeshta. Kthjellimet do të jenë më prezente gjatë paradites, ndërsa pjesa e dytë e ditës do ti theksojë vranësirat në të gjithë vendin, por nuk do të sjellin reshje. Temperatura e ulëta do të krijojnë dhe rreziqe për sa i përket ngricave në akset rrugore në disa zona në Kosovës. Temperaturat e ajrit do të vijojnë të ulen në mëngjes dhe në mesditë duke i luhatur vlerat ditore nga -6 gradë C deri në 7 gradë C. Era do të fryjë e ftohtë dhe mesatare duke arritur shpejtësinë mbi 45 km/h nga drejtimi permanent Verilindor.

Maqedonia e Veriut

Pjesa më e madhe e republikës së MV do të paraqitet nën mbizotërimin e motit të kthjellët por relativisht të ftohtë për shkak të masave ajrore të ftohta siberiane që kanë mbërritur në Ballkan. Megjithatë kthjellimet do të jenë të pranishme deri pas-mesditës kur do të shfaqen vranësirat si fillim në veri-veriperëndim të territorit dhe gradualisht do të përfshijnë të gjithë territorin e MV por mundësia për reshje është thuajse zero edhe pse lagështira mbetet e lartë në ajër duke bërë që i ftohti të ndjehet edhe më shumë. Parashikohet që ky stabilitet i amtosferës të mbetet prezent edhe gjatë natës. Ndërkohë; Temperaturat e ajrit do të pësojnë rënie me 2 gradë C si në mëngjes DHE në mesditë duke luhatur vlerat ditore nga -7°C minimalja deri në 8°C vlera maksimale. Era do të fryjë mesatare gjatë paradites POR forcohet pasdite duke arritur shpejtësinë mbi 55 km/h nga drejtimi kryesisht Lindor dhe Verilindor.

Europa

Rajoni i Balltikut si edhe Europa Veriore do të paraqiten nën mbizotërimin e masave ajrore të paqëndrueshme duke bërë që reshjet e dëborës dhe ngricat të jenë prezente përgjatë gjithë-24 orëshit. Po ashtu kalimi i një fronti të ftohtë atmosferik nga Atlantiku i Veriut drejt ishujve Britanikë si edhe disa zonat qendrore të kontinentit do të sjellë reshje shiu e dëbore. Ndërsa moti i kthjellët por relativisht i ftohtë do të mbizotërojnë në; Europën Jugperëndimore, Gadishullin e Ballkanit, brigjet e detit Egje dhe brigjet e detit të zi.