Arkimed Lushaj, i njohur me emrin e artit, Stresi ka mbetur i plagosur në protestën që po zhvillohet për vrasjen e 25-vjeçarit, Klodian Rasha, para Ministrisë së Brendshme.
Mësohet se Stresi ka qenë shumë pranë rreshtit që është përplasur me uniformat e policisë, pra shumë parë hyrjes së institucionit, ku edhe janë përqendruar protestuesit.
Ata tentojnë të hynë brenda, por kanë hasur në rezistencë nga policia, të cilët janë shtuar në numër. Protesta e të rinjve gjeti të papërgatitur policinë, e cila ishte lënë më uniformë normale, duke sjellë kështu edhe plagosjen e një efektivi. Po ashtu i plagosur ka mbetur edhe një gazetar.
