Gazetarët, aktivistë, analistë, njerëz të medias dhe qytetarë të thjeshtë në mbështetje të tyre kanë nisur protestën kundër paketës anti-shpifje të qeverisë, që pritet të kalojë për miratim sot në Kuvendin e Shqipërisë.
Protesta nisi në orën 09:30, para Parlamentit, pak para se deputetet të hyjnë në sallë në nisje të seancës plenare, që do të jete e fundit e këtij viti.
Paketa antishpfje parashikon që Autoriteti i Mediave Audiovizive (AMA) të marrë kompetenca deri në mbylljen e portaleve, nëse gjykon se ka publikuar lajme të rreme apo shpifje.
Kundër kësaj janë gazetarët dhe njerëzit e medias, e jo vetëm, sipas të cilëve AMA nuk mund të marrë kompetencat e gjykatës. Shqetësim për këtë paketë ka ngritur edhe opozita, Avokati i Popullit dhe Komisioneria e KE për të drejtat e Njeriut.
