Supergrabitja në Rinas jehonë në mediat ndërkombëtare

1841
Sigal

Mediat ndërkombëtare kanë shkruar lidhur me ngjarjen e ndodhur ditën e sotme në Rinas.

 

Reuters shkruan se “policia ekzekutoi një nga disa persona të armatosur në një shkëmbim zjarri, pasi ata u futën në aeroportin ndërkombëtar të Shqipërisë dhe u larguan prej atje me një ngarkesë parash”.

 

Më tej, artikulli vijon si më poshtë:

 

Hajdutët e maskuar dhe të armatosur u futën përmes hyrjes që përdoret nga shërbimet e zjarrfikëses dhe pasi morën paratë, u arratisën duke provokuar një ndjekje policore.

 

Dëshmitarët u thanë gazetarëve se tre personat e armatosur që kishin shënjestruar avionin për në Vjenë, që në atë moment kishte ndezur motorët në pistë, të veshur me uniforma ushtarake, u futen brenda dhe kërcënuan stafin me armë, duke marrë dhe paratë.

 

Policia, fillimisht konfirmoi një shumë të caktuar parash që ishte vjedhur, ndërsa raportimet e para flisnin për një shumë prej 2 milionë Euro, por më vonë u tha se mund të jetë pesë herë më e madhe.

 

Autorët shkëmbyen zjarr me policinë, gjatë ndjekjes në një rrugë dytësore, ndërsa një nga grabitësit humbi jetën.

 

Raportimet e medias nga vendi i ngjarjes, treguan se viktima kishte në trup një armë, një granatë dhe disa fishekë.

 

Reuters thekson se bankat e huaja me filiale në Shqipëri i nxjerrin kartmonedhat jashtë përmes aeroportit të Rinasit për në Vjenë, për shkak se banka qëndrore nuk i pranon depozitat e tyre në kartmonedha.

 

Dërgesat janë sulmuar disa herë vitet e shkuara, njëherë brenda në aeroport dhe dy herë në rrugën që të çon në aeroport.

Policia ka gjetur disa nga paratë e grabitjes së fundit, të cilat ishin futur në tenxhe