Kurbin, asgjësohen qindra rrënjë kanabisi. tre të arrestuar e një tjetër në kërkim

104
Sigal

Tre persona janë arrestuar në Kurbin dhe një tjetër është shpallur në kërkim, pas sekuestrimit të qindra rrënjëve kanabisi në një zonë të pyllëzuar.

Mësohet se uniformat blu kanë asgjësuar në total 280 fidanë kanabisi të cilat ishin kultivuar në fshatin Ferr, pranë një terreni shumë të vështirë.

Njoftimi i policisë:

Kurbin/Vijon megaoperacioni policor antikanabis i koduar “Imazhi”. Nga kontrollet në çdo skaj të qarkut, me skuadra policore dhe dronë, finalizohet faza e shtatë e këtij megaoperacioni. Shkatërrohen 3 minisera të gjetura në një zonë të pyllëzuar e terren të vështirë të fshatit Ferr, Shkopet, brenda të cilave ishin kultivuar 280 fidanë narkotikë cannabis sativa.

Gjatë 6 fazave të mëparshme të këtij megaoperacioni, në fshatra të ndryshme të qarkut, u asgjësuan në total 7359 fidanë dhe bimë narkotikë, si dhe u vunë në pranga 3 shtetas dhe u shpall në kërkim 1 tjetër, autorë të dyshuar të kësaj veprimtarie kriminale.

Shërbimet e Komisariatit të Policisë Kurbin kanë vijuar kontrollet intensive dhe operacionet e njëpasnjëshme, me objektiv parandalimin, konstatimin dhe goditjen që në fazë fillestare, të tentativave për të kultivuar bimë narkotike.

Si rezultat, është finalizuar faza e shtatë e megaoperacionit policor të koduar “Imazhi”, në kuadër të të cilës, në një zonë të pyllëzuar e terren të vështirë të fshatit Ferr, Shkopet, u gjetën dhe u shkatërruan 3 minisera brenda të cilave ishin kultivuar 280 fidanë të dyshuar narkotikë cannabis sativa.

Policia e Kurbinit, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Lezhë, vijon veprimet hetimore, me qëllim identifikimin dhe arrestimin e autorit/ëve të këtij rasti kultivimi.

Materialet procedurale i kaluan Prokurorisë, për veprime të mëtejshme.