Ilirjan Celibashi ‘vet Ali vet Kadi’, refuzon t’i heqë mandatin kryebashkiakut të Kuçovës, Kreshnik Hajdari
Komisioneri Shtetëror i Zgjedhjeve, Ilirjan Celibashi, ka vendosur të mos i heqë mandatin kryetarit të Bashkisë së Kuçovës, Kreshnik Hajdari, duke vlerësuar se në rastin e tij nuk plotësohen kushtet e parashikuara nga ligji i dekriminalizimit.
Mësohet se, ky vendim u mor pas shqyrtimit të kërkesës së ish-kandidatit të opozitës, Lefter Maliqi, i cili pretendonte se Hajdari kishte falsifikuar formularin e vetëdeklarimit duke fshehur një dënim të mëparshëm në Greqi.Pas këtij veprimi, Kreshnik Hajdari mund të vijojë zyrtarisht të ushtrojë detyrën e tij si kryetar i Bashkisë së Kuçovës.“Nuk jemi në kushtet e ndalimit për shkak të ligjit të dekriminalizimit. Subjekti nuk është në kushtet e ndalimit të ligjit, sipas leximit që i bëj unë si Komisioner”, deklaroi Celibashi.
Si mashtroi Celibashi për Kreshnik Hajdarin e Kuçovës, duke i hapur rrugë kandidimit me ‘cene’ penale
Kreu i KQZ, Ilirjan Celibashi mbajti në garë kandidatin socialist, Kreshnik Hajdari, ndonëse ky i fundit rezultonte i dënuar në Greqi dhe këtë gjë nuk e kishte deklaruar në formularin e dekriminalizimit. Ligji është i qartë, kushdo që ka fshehur të dhënat duhet të largohet nga detyra ose t’i ndalohet kandidimi. Ata që nuk e bëri Celibashi e bëri Prokuroria e Posaçme. Kjo e fundit ka nisi hetimet në 2023 për falsifikim formulari nga Kreshnik Hajdari dhe kërkoi nga KQZ që t’i vihet në dispozicion formulari i dekriminalizimit.
Celibashi veproi me dy standarde. Kur e kishte në dorë vendimin dhe duhej të vinte në dijeni Prokurorinë e Përgjithshme nuk e bëri. Kur SPAK nisi hetimet, deklaroi se ju ka vënë në dispozicion dosjen. Zgjedhjet në Kuçovë duhet të përsëriten për shkak të pavlefshmërisë së kandidaturës së fituesit.Me mbërritjen e këtij njoftimi zyrtar nga SPAK, topi kalon në fushën e KQZ-së.
