Aktualisht shumë bujë po bën skandali i Panamasë, ku dy kompani janë nga Shqipëria. Vendi ynë nuk i ka munguar listës së kompanive në parajsën fiskale të zbuluar në Panama. Harta në fjalë tregon se po të klikosh pranë emrit “Shqipëri”, jepen të dhënat se nga ky vend, janë dy kompani, 3 pëfitues dhe 22 pronarë aksionesh. Me zbulimin e dokumenteve të tjera, do të hidhet dritë edhe mbi detaje të reja në lidhje me përfshirjen edhe të vendit tonë në këtë skandal. Deri tani janë zbuluar emra të politikanëve botërorë dhe figurave publike që fshehin paratë në Panama, për të shmangur detyrimet nga taksat në vendet e tyre.
