Një zbulim i madh arkeologjik u bë nga arkeologët në Izrael, të cilët arritën të lokalizonin mbetjet e anijes më të vjetër të mbytur, të zbuluar ndonjëherë.
Bazuar në analizën e dy prej gjetjeve, dy enë balte të njohura si amfora kananite, vlerësohet se kjo është një anije tregtare që mund të ketë qenë midis 11 dhe 14 metra e gjatë dhe e fundosur diku midis vitit 1400 p.e.s. dhe 1300 pes, një kohë kur perandoria egjiptiane shtrihej nga Siria e sotme veriore deri në Sudan. Siç raportohet nga Neë York Times “nuk është e qartë nëse galeria u shkatërrua pas një stuhie të papritur, për shkak të erërave, apo pas një sulmi piratësh. Por bazuar në pamjet e kapura nga një robot nënujor i telekomanduar, anija u vendos në fund pa u përmbysur dhe qindra kavanoza magazinimi në mbajtësen e saj ishin kryesisht të paprekura.”.
“Unë e konsideroj shumë të rëndësishëm çdo zbulim të një mbetjeje të epokës së bronzit, pasi rrënojat e kësaj periudhe janë jashtëzakonisht të rralla. Është kaq e rrallë që vetëm dy anije të tjera të mbytura ngarkesash janë të njohura nga epoka e bronzit të vonë në Mesdhe – të dyja të gjetura, ndryshe nga e tashmja, në brigjet turke relativisht afër bregut dhe të aksesueshme duke përdorur pajisje standarde zhytjeje. Më i fundit nga këto dy zbulime është bërë në vitin 1982. Që atëherë, asnjë gjetje e re spektakolare nuk është shfaqur”, tha arkeologu i Universitetit të Teksasit, Cemal Pulak.
