Ditën e sotme mazhoranca ka miratuar në parim kërkesën e një grupi deputetësh nga opozita parlamentare, të cilët kërkojnë ndryshime në Kushtetutë.
Bëhet fjalë për një nismë të firmosur nga gati 30 deputetë, ku kërkohet hapja e listave të kandidatëve për deputetë, rritja e pragut me 5% dhe heqja e koalicioneve parazgjedhore.
Pas më shumë se dy orë diskutime në Këshillin e Legjislacionit në Kuvendin e Shqipërisë, propozimi ka marrë 16 vota pro dhe 1 kundër.
Pas këtij votimi, nisma do të shqyrtohet të hënën, nen për nen në Komisionin e Ligjeve, ndërsa votimi final është parashikuar më 30 korrik në seancë parlamentare.