Një ngjarje e rëndë ka ndodhur një ditë më parë në Fier, ku një 56 vjeçar dyshohet se vrau me thikë bashkëshorten e tij.
Në një prononcim për mediat fqinjët e çiftit Petrit dhe Valdete Manaj kanë theksuar se ato ishin njerëz të qetë dhe shumë të respektuar në lagje.
Një banore e lagjes e përlotur shprehet se ato ishin shumë njerëz të mirë i ka dhimbur shpirti kur e ka marr vesh se çfarë ka ndodhur.
“Njerëz më të mirë nuk kemi, ne kështu i kemi njohur dhe na ka dhembur shpirti. Ne kemi 50 vjet këtu dhe i kemi njohur si njerëz shumë të mirë, nuk e dimë sesi erdhi kështu, o Zot. Nuk e dimë se pse ndodhi kjo gjë, njerëz shumë të mirë”, ka thënë një nga fqinjët.
Sipas banorëve ato ishin njerëz shumë të qetë dhe të mirë është një fatkeqësi që u ndodhi familjes së tyre.
“Ato nuk kanë qenë njerëz të konflikteve dhe të sherreve, punonin burrë dhe grua dhe rrisnin fëmijët”, thotë një tjetër.
“Se çfarë kishin me njëri tjetrin nuk e di, por ajo ishte vajzë shumë e mirë dhe ai djalë shumë i urtë. Të dy kanë qenë të mirë sesi i kishin hallet e dinë vetë ata”.
Ndërkohë kujtojmë se ngjarja e rëndë ka ndodhur në fshatin “Sheq i Madh” në Fier, ku fillimisht u raportua si vetëvrasje dhe policia zbuloi se autori i vrasjes së Valdete Manasj, 50 vjeç ishte bashkëshorti i saj Petriti.
