Pas protestave të shumta në disa qytete të vendit, rritja e çmimit të naftës dhe produkteve bazë të shportës ushqimore, ka nxjerrë në rrugë disa dhjetëra banorë në Lushnje.
Fermerët e Lushnjes, Fierit dhe Divjakës kanë dalë në protestë kundër rritjes së çmimeve të produkteve të nevojshme për bujqësinë. Ata kundërshtojnë rritjen e çmimit të naftës, por dhe plehrave kimikë.
Fermerët janë mbledhur në vendin e quajtur “Pushimi i Shoferit”, ndërkohë që forca të shumta policie janë mobilizuar në terren për të penguar që qytetarët të bllokojnë autostradën Lushnje-Fier.
Me forcë, ata kanë çarë kordonin e policisë dhe më pas janë ulur këmbëkryq në mes të rrugës duke bllokuar qarkullimin e automjeteve.
