Pyetje
z. Xhevat Dyfekxhiu shkruan: jam i datëlindjes 20.04.1950 dhe sipas librezës së punës në vendin tonë, kam punuar gjithsej 35 vjet e 6 muaj i siguruar përfshi dhe sigurimet vullnetare. Prej disa vitesh banoj dhe punoj i siguruar në Greqi dhe deri këtë vit kam 2500 “ensima” (të siguruara). Pyes, cilat janë kushtet për të përfituar pension të plotë në Shqipëri, dokumentet që duhen plotësuar, vendi, afatet e dorëzimit dhe a njësohen për efekte pensioni vitet e punuara në Greqi me ato të punuara në vendin tonë.
Përgjigje
Ju nga data që e keni plotësuar moshën 65 vjeç ju lind e drejta për të përfituar në vendin tonë pension të plotë sepse keni më shumë se 35 vjet e 4 muaj punë të siguruara gjithsej. Dokumentet për pension janë: Kërkesa për pension i cili është një formular i gatshëm që merret në agjencinë e sigurimeve shoqërore ku keni vendbanimin në Shqipëri, libreza e punës, fotokopje e kartës së identitetit, dy fotografi, vërtetimi që keni kryer shërbimin e detyrueshëm ushtarak, certifikata e gjendjes familjare, vërtetimi i pagës nga 01.01.1994 deri në ditën e ndërprerjes së marrëdhënieve financiare në vendin tonë. Dokumentet e mësipërme mund ti dorëzoni edhe pas datës 20 prill të këtij viti, por brenda 365 ditëve nga data që keni plotësuar moshën 65 vjeç.
…
Për më tepër lexoni gazetën Telegraf
