Temperaturat e larta përvëlojnë Europën, ndërkohë janë regjistruar edhe viktimat e para si pasojë e motit të nxehtë. Dy viktimat janë regjistruar në Qipro atje ku temperaturat kanë arritur 45 gradë celcius.
Ndërkohë raportohet se tre pacientë të moshuar gjithashtu mbetën në gjendje të rëndë pasi temperaturat i kalojnë 40 gradë Celsius.
Evropa jugore është goditur nga temperatura rekord ditët e fundit, duke kërcënuar të ndezin zjarre dhe të sjellin rrezikun e sëmundjeve dhe vdekjeve të lidhura me nxehtësinë.
Në Athinën qendrore, termometri u ngjit në 42 gradë Celsius, me nxehtësinë e parashikuar që nxiti paralajmërime shëndetësore dhe mbyllje të shkollave.
Temperatura akoma më të nxehta u regjistruan në ishullin e Kretës – 44.5 gradë Celsius – dhe në gadishullin e Peloponezit – 43.9 gradë Celsius – sipas faqes së internetit meteo.gr të Observatorit Kombëtar të Athinës.
Temperaturat po nxiten nga erërat jugore që tërheqin ajrin e nxehtë dhe pluhurin në veri nga Afrika e Veriut.
