Policia e Shkodrës ka vënë në pranga një shqiptar, i cili ishte shpallur në kërkim ndërkombëtar nga drejtësia amerikane.Në njoftimin për media bëhet e ditur se në pranga ka rënë Arben Bregu, 50 vjeç, banues në Shkodër.
Njoftimi i plotë:
Vijojnë operacionet për kapjen e personave në kërkim ndërkombëtar.
Një tjetër person i kërkuar nga SHBA-ja bie në prangat e Policisë.
Kapet dhe arrestohet me qëllim ekstradimi drejt Shteteve të Bashkuara të Amerikës, 50-vjeçari i dënuar për veprën penale “Vrāsja”.
Operacioni nga DVP Shkodër, në bashkëpunim me Shërbimin Diplomatik të Sigurisë (DSS) Njësinë Speciale Policore “Joint Shield” dhe Interpol Tirana
Në vijim të punës për kapjen e personave në kërkim ndërkombëtar, në bazë të informacioneve të siguruara në rrugë operative, në Shkodër, u kap dhe u ndalua shtetasi në kërkim ndërkombëtar Arben Bregu, 50 vjeç, banues në Shkodër.
Ky shtetas ishte shpallur në kërkim ndërkombëtar, pasi në vitin 2016, Gjykata e Katërt Gjyqësore në Duval, Florida e ka shpallur fajtor për vrāsjen e një personi.
Ky shtetas, në qershor 2013, në qytetin Duval, Florida, jashtë një restoranti, ka qëlluar disa herë me armē zjarri një shtetas, pas një konflikti mes tyre.
Interpol Tirana, në bashkëpunim me Ambasadën Amerikane dhe Interpol Washington po vijon procedurat për ekstradimin e këtij shtetasi drejt shteteve të Bashkuara të Amerikës.
