Një 22-vjeçar i identifikuar si Gjovalin Binaku është arrestuar nga policia e Shkodrës, pasi kishte përshtatur një banesë të marrë me qira, në “shtëpi bari”.
Ndërkohë në pranga ka përfunduar edhe punonjësi i OSHEE, Robert Vata, 25 vjeç, ndërsa janë proceduar dy kolegët e tij.
Nga kontrollet në një ambient (banesë), në Velipojë, të përshtatur për kultivimin dhe tharjen e bimëve narkotike kanabis, shërbimet e Policisë gjetën dhe sekuestruan, në cilësinë e provës materiale, 308 bimë të dyshuara kanabis, 85 gramë të kësaj lënde të tharë, 122 pajisje elektrike që shërbenin për kultivimin e bimëve narkotike dhe 4 celularë.
