Një aksident i rëndë ka ndodhur këtë të mërkurë në fshatin Hinkë, të bashkisë së Dimalit.
Një automjet tip “Opel Astra”, me drejtues një 45-vjeçar ka dalë nga rruga dhe është përmbysur anash saj.
Bëhet me dije se si pasojë e aksidentit ka humbur njërin krah shtetasi Krenar Cjapi, drejtues i mjetit. Ai është transportuar në spitalin e Beratit jashtë rrezikut për jetën.
Grupi hetimor dhe policia kanë shkuar menjëherë në vendngjarje, ku kanë mbledhur provat e nevojshme për të zbardhur rrethanat e aksidentit.
Sipas të dhënave paraprake hetimor dyshohet se aksidenti është shkaktuar si pasojë e humbjes së kontrollit nga shpejtësia.
