Besim Perkola, autor i dyshuar i atentatit ndaj dy vëllezërve Doçi në Shkodër më shumë se një vit më parë, është arrestuar në kryeqytet.
30-vjeçari u kap në rrugën “Frang Bardhi”, teksa po udhëtonte me një automjet tip “Benz”. Gjatë kontrollit, në çantën e 30-vjeçarit, iu gjet një armë zjarri pistoletë dhe municion luftarak, si dhe një leje drejtimi e dyshuar e falsifikuar.Si i shpëtuan breshërisë së plumbave dy vëllezërit:
Sipas policisë, ngjarja ndodhi pas një konflikti në lokal mes autorit të dyshuar, Besim Perkola dhe vëllezërve Marjan Doçi 23 vjeç dhe Hoten Doçi 30 vjeç.
Pas sherrit Besim Perkola është larguar nga lokali, ka marrë armën dhe më pas i ka bërë pritë dy të rinjve që po ktheheshin për në shtëpi dukë qëlluar me breshëri plumbash ndaj tyre. Edhe dy vëllezërit iu janë kundërpërgjigjur duke e qëlluar me pistoletë.
Marjan dhe Hoten Doçi u dërguan në spitalin e Traumës dhe më pas arrestuan.
Dy shtetasit në deklarimin për policinë, kanë thënë se nuk kishin asnjë konflikt dhe se nuk ia kishin idenë se përse i ka qëlluar personi tjetër, madje nuk e njihnin se kush ka qenë.
“Ishim tek makina kur një person u afrua dhe qëlloi drejt nesh në mënyrë të papritur. Nuk e kemi idenë përse na ka qëlluar sepse nuk kemi ndonjë konflikt”, mësohet të kenë thënë dy vëllezërit për policinë duke mos pranuar që të japin asnjë detaj shtesë lidhur me arsyen përse janë qëlluar.
Në vendin e ngjarjes policia ka gjetur gëzhoja plumbash nga armë të ndryshme të kallashnikovit që dyshohet se ka patur Perkola dhe gëzhoja pistolete afër mjetit tip “Audi” pa targa ku ndodheshin dy vëllezërit Doçi që mbetën të plagosur.
