Një ngjarje makabër është zbuluar në qytetin e Korçës këtë të hënë. Një foshnjë e porsalindur është gjetur e pajetë e futur në një valixhe në një banesë lagjen nr.15 të qytetit verilindor.
Ka qenë nëna e fëmijës ajo e cila pas lindjes e ka futur fëmijën e saj në valixhe duke i marrë dhe jetën. Dyshohet se ajo vuan nga probleme të shëndetit mendor.
Bashkëshorti i ka thënë policisë se fëmija që u gjet i vdekur nuk ishte i tij. Çifti ka edhe një fëmijë tjetër 15 vjeç.
Policia dhe grupi hetimor po punojnë për zbardhjen e rrethanave të kësaj ngjarjeje të rëndë.
Njoftimi i policisë:
Në orët e para të mëngjesit të sotëm, shtetasi K. A., (emigrant në Greqi) ka bërë kallëzim në Komisariatin e Policisë Korçë, se ka gjetur në banesën e tij, në lagjen nr. 15, Korçë, një foshnjë të pajetë.
Bashkëshortja e tij, e cila vuan nga sëmundje të shëndetit mendor është transportuar në maternitetin e qytetit, për ekzaminime të mëtejshme.
Grupi hetimor po punon për sqarimin e rrethanave dhe dokumentimin e plotë të kësaj ngjarjeje.
