E konceptuar si karta e shqiptarëve, GOOL vjen për herë të parë si një produkt inovativ bankar, me përfitime të ndryshme për të gjithë klientët Credins Mastercard dhe komunitetin sportdashës Kuq e Zi.
Inaugurimi i kartës GOOL u zhvillua në një takim special në ambientet e Credins bank, ku të pranishëm ishin drejtuesit e lartë të dy institucioneve: z. Maltin Korkuti (Drejtor i Përgjithshëm i Credins bank), znj. Monika Milo (Zv. Drejtore e Përgjithshme) dhe z. Armand Duka (President i Federatës Shqiptare të Futbollit).
Përgjatë takimit u diskutua edhe mbi efektivitetin e iniciativave të ndryshme të ndërmarra ndër vite, duke mbështetur dhe promovuar vlerat e futbollit shqiptar, si dhe zhvillimin e projekteve të tjera të përbashkëta në të ardhmen, të cilat ndërthurin sportin me shërbimet dhe produktet bankare.
