Babai i Anjeza Shabanit ishte sot në Gjykatën e Tiranës për të parë të bijën që u paraqit për t’u njohur me masën e sigurisë pas arrestimit për dhunimin e një fëmije 3 vjeç në kopështin “Diren” që ajo administronte. Ai kërkoi ta takonte të bijën, por nuk u lejua nga policët. Kur gazetarët i kërkuan që t’u bënte vend për të filmuar, ai iu kthye me të shara. Po ashtu që ai i drejtohet edhe vajzës me thirrjet: “bravo bab’, e fortë të bëhesh”. Anjeza Shabani akuzohet për dhunë ndaj të miturve dhe shpërdorim detyre. Ajo u filmua nga emisioni “Stop” në Tv Klan duke dhunuar një fëmijë 3 vjeç. Prindërit e tij dyshonin se ajo e kishte keqtrajtuar prej disa muajsh. Këtë version kanë pohuar edhe dy edukatore të kopështit.
