Takimi me artistët e Qarkut Shkodër obligim qytetar për z. Agron Çela
Nga Ramazan Çeka
Në kuadrin e takimeve që LSI e Qarkut Shkodër të kryesuar nga z. Agron Çela dhe grupi i tij i punës kanë ndërmarrë gjatë këtyre ditëve me grupe sociale apo përfaqësi të sektorëve të ndryshëm komunitare, për t’u njohur jo thjesht me nevojat dhe hallet e komunitetit, por edhe për të diskutuar mbi mundësitë e daljes nga situata, apo gjetjes së një rruge që çon në zgjidhjen e problemeve, u realizua edhe takimi me përfaqësues të artit dhe kulturës së Shkodrës e jo vetëm.
Ky takim kishte në fokus diskutime që lidheshin me problematika, të cilat ishin akumuluar ndër vite nga keqmenaxhimi politik, duke e zhytur këtë sektor në kushtet e një mbijetese, për artin dhe kulturën nënkupton regres të theksuar social dhe kulturor, aq më tepër për Shkodrën e mrekullueshme e njohur ndër shekuj si djepi i kulturës.
Ky takim, i cili në vemendje kishte një transparencë të plotë: biseda shoqërore e diskutime si bashkërendës ndër vite, jo thjesht si me një lider politik, por edhe si një biznesmen produktiv dhe donator dorëlëshuar në mbështetje të artit dhe kulturës, duke zëvendësuar deri edhe institucionet, të cilat e kanë detyrim institucional, veç vlerësimeve konkrete në adresë të tij, pati edhe shumë falenderime, gjë që me shumë modesti z. Çela i quajti edhe si detyrime morale për qytetin e tij.
- Çela në mënyrë krejt njerëzore kërkoi mbështetjen e artistëve që ai vetë të ketë sa më shumë mundësi nesër për t’u dhënë vendin që ata meritojnë.
Premtimet e tij ishin shumë konkrete dhe me baza të forta sigurie, duke synuar që në listat e Këshillit Bashkiak do të përfaqësohen nga njerëzit e artit dhe kulturës, ku ata vetë të kenë mundësi ta thonë vetë fjalën e tyre aty ku duhet dhe me përgjegjësi të plotë për atë çka meriton ky sektor, pasi artistët janë njerëzit më aktiv dhe më të respektuar të qytetit.
Zëri i tyre shpreh besim, ngjall shpresë dhe optimizëm për një jetë më të mirë në komunitet. Aty ku frymon arti dhe kultura jetohet mirë dhe ka vetëm progres social-ekonomik nga i cili merr frymë i gjithë qyteti.
Gjatë diskutimeve të këtij paneli ra në sy edhe vlerësimi i kandidatit, për deputet të këtij qarku, z. Edmond Ndou një zë tashmë i njohur për këtë qytet dhe vetë artistët me të cilët ka patur edhe ai shumë afrimitet, duke i përkrahur dhe mbështetur vazhdimisht, sidomos gjatë kësaj situate pandemie ku arriti të thyej akullin me “DHURATË PËR SHKODRËN” me koncertin recital të “Mjeshtrit të Madh” Bujar Qamili.
Ajo që i dha më shumë pozitivitet dhe ngrohtësi rëndësisë së secilit prej artistëve të ftuar e jo vetëm, ishte znj. Linda Kavaja, njëherësh edhe kandidate për deputete e këtij qarku tek Lëvizja Socialiste për Integrim, e cila me rolin e saj multidimensional, me dhuntinë e të shprehurit dhe ngrohtësinë e një vajze tipike bijë e qytetit të Shkodrës, arriti të heqë barrierat zyrtare, duke i dhënë asaj tryeze të rrumbullakët ngrohtësinë e një sofre bujare shkodrane.
Me pak fjalë është fat për Shkodrën që rriti një bijë kaq dinjitoze, së cilës duhet t’i besojmë, e me të cilën duhet të krenohemi të gjithë.
Vlerësimi për artin dhe kulturën, si dhe kontributi i z. Çela u kthye në kryefjalë çka e bën këtë forcë politike detyrimisht të marrë angazhime e të mbajë premtime lidhur me problematikat e kthyera tashmë në ngërrçe pasive, të hartuara si projekte e të depozituara në sirtarët e mi tha z. Çela. Ju jeni zëri dhe syri vëzhgues, ju jeni forca më e madhe e këtij qyteti, pasi influenca juaj i kalon ato të një pushtetari apo deputeti para elektoratit, sa herë ngjiteni në skenë dhe pasqyroni realitetin bashkëkohor, ndaj të gjithë duhet të bashkohemi për t’i mbështetur artistët, për të mbrojtur artin dhe kulturën e qytetit tonë.
Me kaq peshë ishin edhe diskutimet e artistëve aktorë, bejtexhi, instrumentistë e këngëtarë si; Bashkim Alibali, Merita Smaja, Hajro Pepa, Raimonda Marku, Muhamet Çekini, Orjeta Kelaj, Nimet Leka, Skënder Xhafa, i cili përfaqësonte Malësinë e Madhe, Lulka Merkulaj, anëtari i grupit të bejteve shkodrane Dilaver Cufi, Faik Alushi etj, e në veçanti diskutimi i drejtoreshës së Teatrit “Migjeni” znj. Rita Gjeka, e cila veç kontributit të përhershëm të z. Çela vlerësoi faktin se falë këmbnguljes së tij sot Teatri “Migjeni” gëzon titullin “Nderi i Kombit”.
Në këtë takim nuk munguan as Drejtori i Akademisë Radiotelevizive Gëzim Podgorica, deputetja Lindita Reçi dhe producenti i Agjensisë së Spektakleve “Buna 1” Arben Mazi.
Përtej depolitizimit të pendës time poetike dhe publicistike sërish e quaj veten me fat të gjëndesha në këtë panel diskutimesh, ku dolën në pah krejt këndshëm marrdhëniet e ngushta shoqërore që Shkodranët kanë me njëri-tjetrin, të cilat nuk i përçajnë dot as bindjet politike dhe as interesat personale. Me të drejtë shkodranët vlerësohen dhe respektohen si bijtë e bijat e përkundur në djepin e kulturës.
Edhe kësaj here triumfoi suksesi i punës së kordinatorit për artin, kulturën dhe sportin z. Agron Isufi.
Ky takim mori përmasat e një darke vllazërore të shtruar me bujarinë që e karakterizon biznesmenin shkodran, njëherësh dhe deputetin zoti Agron Çela.
Duke i uruar z. Agron Çela dhe gjithë ekipit të tij suksese në këtë garë politike, gjej rastin të vlerësoj dhe falenderoj nga zemra artistët e qytetit tim, ikonat e artit shqiptar që dinë ta dëshmojnë me art qytetarinë dhe kulturën e qytetit tonë antik.