Një adoleshent shqiptar është duke luftuar për jetën e tij, pasi është qëlluar disa herë me pistoletë.
Ngjarja e rëndë ka ndodhur në qytetin e Romës.
Siç shkruajnë mediat vendase, djali shqiptar 16 vjeç me plagë të marra nga armë zjarri, është lënë mbrëmë nga një makinë para pavionit të urgjencës në poliklinikën Gemelli në Romë.
I riu u shtrua në spital në gjendje të rëndë, ndërsa policia po heton për zbardhjen e dinamikës së ngjarjes.
Hetuesit po gërmojnë në jetën e djaloshit dhe po shqyrtojnë telekamerat e sigurisë të vendosura në zonë për të identifikuar makinën që e la para urgjencës për t’u larguar më pas me shpejtësi.
Deri tani nuk përjashtohet asnjë hipotezë për plagosjen e adoleshentit shqiptar.
