Studimi/ Edhe momentet e lumtura mund të jenë fatale për zemrën

178
Stresi emocional që shkakton dhimbje kraharori dhe probleme në frymarrje mund të ndodhë në momente gëzimi, si dhe zemërimi, hidhërimi dhe frike, sugjeron një studim zviceran. Tre të katërtat e rasteve të ‘takotsubo cardiomyopathy’, një ndryshim në formën e barkushes së majtë të zemrës, e cila mund të jetë fatale, shkaktohen nga stresi. Studimi i “University Hospital Zurich”, në Gazetën Evropiane të zemrës, sugjeron se rreth një në 20 raste është shkaktuar nga gëzimi. Në studimin e 1,750 pacientëve, studiuesit zbuluan probleme të zemrës të shkaktuara nga: një festë ditëlindje, dasma e djalit, takimi me një shok pas 50 vjetësh, të bërit gjysh/gjyshe, fitmi i një “jackpot”-i në kazino etj. Studimi gjithashtu sugjeroi shumicën e rasteve kanë qenë te gratë në periudhë post-menopauze.