Është fakt se ushqimet që ne konsumojmë kanë një ndikim shumë të madh në shëndetin dhe mirëqënien tonë. Por së fundmi një studim i kryer nga “The Happy Egg Company” hedh dritë mbi një të vërtetë të re lidhur me produktet ushqimore.
Siç raporton “Metro”, në këtë studim, fokus i të cilit ishte ndjenja e lumturisë lidhur me ushqimin, dhe në të cilin morën pjesë mbi 1000 persona, rezulton se është pikërisht ngjyra e verdhë ajo që lidhet më tepër me lumturinë.
Mbi 70 % të pjesëmarrësve në studim pranuan se ngjyra e verdhë në produktet ushqimore ju jepte ndjenjën e gëzimit dhe lumturisë. Dhe në top 5 ushqimet e verdha, të cilat asociohen me gëzimin ishin: omleta, makaronat me djathë, krepat, banania dhe veza e zjerë.
Gjithashtu pjesëmarrësit u shprehën se do të donin më shumë ushqime të verdha në menunë e tyre të përditshme