Gjatë mbledhjes në Këshillin e Legjislacionit Partia Demokratike ka kërkuar që procesi i ndryshimeve kushtetuese për vettingun në politikë të mbyllet brenda një jave ndërsa maxhoranca ka kërkuar që amendamentet t’i dërgohen për opinion Komisionit të Venecias.
Në fund Këshilli ad hoc i mbledhur enkas për këtë vendosi me shumicë votash të pranojë propozimin e maxhorancës.
Debati:
Alibeaj: Të behet brenda javës
Ruçi: Do mblidhen ekspertët, do iu lihet kohë atyre, do i dëgjojmë.
Alibeaj: Kërkohet shpejtësia sepse…
Ruçi: Do vish atje dhe do të jap fjalën të flasësh për kalendarin.
Manja: Jemi deputetë dhe sigurisht kemi të drejtën e votës edhe për të vendosur për rishikimin e kushtetutës por nuk kemi monopolin të shkelim rregulloren dhe kushtetutën për ndryshime kushtetues. Kërkojmë zbatimin e nenit 77 të rregullores. Ne propozojmë si relatore në këtë projekt kushtetues Vasilika Hysin.
PS ekspertët: Artur Metani dhe Gledis Llatja
PD: Gazmend Bardhi
Manja: Kur bëhet fjalë për ekspertët konstitucionalistë ne si deputetë të shumicës e konsiderojmë të rëndësishëm marrjen e mendimeve vendas por edhe një opinioni miqësor nga Komisioni i Venecias, kjo edhe si traditë e konsoliduar e Kuvendit.
Alibeaj: E nxorët fytyrën. Doni ta shtyni në kalendat greke. Thotë zotëria kërkojmë ekspertë. Pse keni frikë nga barazia e ligjit dhe e deputetëve.
Zoti Ruçi vendos rregull. Jemi në pikën të parashikuar nga neni 77 i rregullores. Vendosim shpejtësinë me të cilën do duhet të ecim. Pika 3 e thotë qartë do vendosim ne mënyrën e diskutimit dhe të njohjes së këtij amendamenti me publikun. Kjo e përcakton shpejtësinë me të cilën duhet të ecim.
