Tahiri jep leksione në Asamblenë e PS: Si të ndahemi nga shtegu i korrupsionit dhe rruga e tarafit

Në radhë para Bashkim Finos por foli pas tij. Koordinatori kombëtar për bashkëqeverisjen me njerëzit, Saimir Tahiri foli qartë në Asamblenë e Partisë Socialiste dhe dha këshilla të qarta se si mund të ndodhë bashkëqeverisja.

Sipas tij, politikanët duhet të afrohen më shumë me njerëzit, por kjo bëhet duke luftuar rrugët e shkurtra, siç janë korrupsioni dhe rruga e tarafit, mikut.

“Ne fituam të gjithë bashkë, tani kemi qeveri, struktura, ligje, fituam vetëm me njerëzit kur e kishim shumë më kollaj të qeverisnim me partitë. Ne e bëmë zgjedhjen e duhur që na bën me përgjegjësi më të madhe dhe punët na i bën më të vështira”.